Belgııada elektr energııanyń baǵasy taǵy ósti
Belgııalyq RTBF telearnasynyń málimetinshe, kóterme saýda naryǵynda bir megavatt-saǵattyń quny orta eseppen 561,94 eýroǵa (shamamen 269 myń teńge) jetti. Bul jańa rekordtyq kórsetkish, buǵan deıingi joǵary baǵa 17 tamyzda tirkeldi (541 eýro).
Elektr energııasyna baǵanyń ósýine gaz baǵasy, frantsýz AES-nyń aǵymdaǵy shekteýli jetkizilimderi, sondaı-aq sý elektr stantsııalary óndirisiniń tómendeýine ákeletin jergilikti ózender men sý aıdyndaryndaǵy sýdyń tómen deńgeıi yqpal etken.
Eýropa qurlyǵynda aýa raıynyń ystyq bolýyna baılanysty aýa salqyndatatyn kondıtsıonerler keńinen qoldanylýda.
Osylaısha, tamyz aıynda elektr energııasyn jetkizýge jańa kelisimshart jasaǵan klıentter rekordtyq baǵaǵa daıyn bolýy kerek. Flamandyq Vreg retteýshi organynyń baǵalaýy boıynsha, belgııalyq úı sharýashylyqtary úshin ortasha jyldyq elektr energııasy 2154,58 eýro, al gaz úshin 3791,10 eýro bolady.
Foto: ctgrealestateservices.com