Belgııada aptap ystyq kórsetkishi rekordtyq deńgeıge jetedi

BRıÝSSELЬ. QazAqparat – Belgııanyń Flandrııa aımaǵynda aptap ystyq bolady dep boljanyp otyr. Aýa temperatýrasy 30°C-tan 35°C-qa deıin jetedi, dep habarlaıdy QazAqparattyń menshikti tilshisi.

Aýa raıy boljamyna sáıkes, búgin Belgııada meteorologııalyq baqylaý bastalǵaly beri eń ystyq kún bolmaq.

Jyly sýbtropıkalyq aýanyń enýi nátıjesinde elde joǵary temperatýra belgilendi.

Belgııanyń basym bóliginde adamdardy aýa raıyna baılanysty saq bolýǵa shaqyratyn eskertý jarııalanǵan.

Belgııanyń ońtústiginde turǵyndarǵa sý ishýge, jeńil kıim kııýge, salqyn bólmelerde bolýǵa, adamdardyń densaýlyǵyn baqylaýǵa, ońaı sińetin jeńil tamaq jeýge, sonymen qatar terezeler men esikterdi jabyq ustaýǵa keńes berilgen.

Belgilengen ystyq juma kúni ozon kontsentratsııasynyń joǵarylaýyna ákeldi.

Qorshaǵan ortany qorǵaý agenttiginiń málimetinshe, senbide iri qalalyq ortalyqtarda ozon kontsentratsııasy 160-190 mıkrogramm /m3 deıin jetýi múmkin.

Dúnıejúzilik densaýlyq saqtaý uıymynyń málimetinshe, ozonnyń ruqsat etilgen kontsentratsııasy - 100 mıkrogramm /m3.