Belgııa Qytaıdan keletinder úshin COVID-19 mindetti synamasyn alyp tastaıdy

BRıÝSSELЬ. QazAqparat – 27 aqpannan bastap Qytaıdan Belgııaǵa keletin jolaýshylarǵa elge kirý úshin koronavırýsqa mindetti test tapsyrý qajet emes, dep habarlaıdy QazAqparat menshikti tilshisi.

Belgııanyń federaldy densaýlyq saqtaý mınıstri Frenk Vandenbrýk 27 aqpannan bastap synaq erikti bolatynyn aıtty. Koronavırýsqa testileý naýryz aıynyń ortasynan bastap tolyǵymen toqtatylady.

«Baǵalaýdan keıin endi bul sharanyń paıdasy joq ekeni belgili boldy. Qytaıdan kelgen saıahatshylar bizdegi COVID-19-ǵa qarsy joǵary qorǵanys deńgeıine eshqandaı qaýip tóndirmeıtin sııaqty. Zertteýler kórsetkendeı, Qytaıda Omıkronnan basqa jańa nusqalar tabylǵan joq», - dep atap ótti F. Vandenbrýk keńsesinde.

Testileý saıasatyndaǵy ózgeristerdi zańǵa aınaldyratyn Korol jarlyǵyna beısenbide (23 aqpan) qol qoıyldy.

Testileý dúısenbiden bastap erikti túrde júrgizilip, naýryzdyń ortasynan bastap tolyǵymen toqtatylǵanymen, Qytaıdan keletin ushaqtardan aǵyndy sýdy tekserý jalǵasady.

Osyǵan qaramastan, Belgııanyń táýekelderdi basqarý toby COVID-19 aldyn alýdyń yqtımal jańa sharalaryn zerttep jatyr.