Belgııa fermerleri qarsylyq aktsııasyna traktormen shyqty

BRıÝSSELЬ. QazAqparat – Flandrııanyń túkpir-túkpirinen jınalǵan fermerler men baǵbandar azot qaldyǵyn qysqartý sharalarynyń saldaryna Belgııa úkimetiniń nazaryn aýdarý úshin traktorlarmen Brıýsselge bara jatyr, dep habarlaıdy QazAqparat tilshisi.

Belgııanyń Boerenbond, ABS, Groene Kring, Jong ABS jáne Ferm voor Agrovrouwen aýylsharýashylyq qaýymdastyqtary búgin Brıýsselde iri narazylyq sharasyn uıymdastyrmaq. Olar 2 myńnan asa traktordy paıdalaný arqyly olar astanada azot kelisimine qarsy shyǵýdy kózdep otyr.

Jalpy traktorlar tizbeginiń uzyndyǵy 15-20 shaqyrymǵa deıin sozylady degen boljam bar.

Sonymen qatar fermerler Flandrııanyń túkpir-túkpirinen Brıýsselge qaraı tańǵy qarbalas ýaqytta polıtsııa baqylaýyndaǵy tizbekpen júrýdi josparlap otyr. Flanmand úkimeti kóptegen kelissózderden keıin áli de kelisimge kele almaǵanyna qaramastan, Belgııa aýylsharýashylyǵy óndirýshileri úshin azot qaldyǵy birden qysqarýy múmkin. Máselen, tabıǵı aımaqtarda olardyń kórsetkishi shamamen jartysynan kóp mólsherge deıin tómendeýi kerek.

Sarapshylardyń pikirinshe, bul kóptegen mal fermasynyń kúıreýine ákeledi, sebebi eń kóp azot dál aýyl sharýashylyǵynda óndiriledi. «Azot kelisiminiń qazirgi nusqasy áleýmettik-ekonomıkalyq qarsylyq týdyrdy», - dep rastady aýylsharýashylyǵy uıymdary.

Belgııanyń federaldy polıtsııasy kólik júrgizýshilerge juma kúni óńiraralyq joldarmen júrýden múmkindiginshe qashyp, poıyz nemese velosıped syndy kóliktiń balama túrlerin paıdalanýdy shaqyrdy.