Belgııa astanasynda 10 vaktsınatsııa ortalyǵy jumys isteıdi

BRıÝSSELЬ. QazAqparat – Brıýssel astanalyq aımaǵyndaǵy jańa vaktsınatsııa ortalyǵy Ýkel mýnıtsıpalıtetinde ashylady, dep habarlaıdy QazAqparattyń menshikti tilshisi.

Belgııalyq BAQ-tyń habarlaýynsha, Brıýsseldegi onynshy jappaı vaktsınatsııalaý ornyn izdeý birneshe ýaqyt boıy jalǵasty. Ýkel aımaǵy – qarttar kóbirek qonystanǵan mýnıtsıpalıtet. Sol sebepti bul azamattarǵa erekshe sanıtarııa talaptary bar oryn tańdaldy.

Jalpy 9 mýnıtsıpalıteti bar Brıýssel astanalyq aımaǵynda turǵyndarǵa COVID-19-ǵa qarsy ekpe egetin 10 ortalyq jumys isteıdi.

Brıýsseldiń densaýlyq saqtaý mınıstrligi vaktsınatsııa ortalyqtarynyń barlyǵy daıyn ekenin habarlady.

«Bári daıyn. Ár ortalyqtyń qyzmetkerleri daıyndyqtan ótti, qarqyndy jumys júrip jatyr. Bizge qazirgi kúni jetispeı turǵan nárse – vaktsına ǵana», - dep túsindirdi Belgııa astanasy qalalyq densaýlyq saqtaý bólimi qyzmetkerleri.

Jaqyn arada AstraZeneca kompanııasy Belgııaǵa 443 myń doza vaktsına jiberedi. Biraq Belgııa bıligi bul ekpeni 55 jasqa deıingi azamattarǵa ǵana salýǵa ruqsat berdi.

Sondaı-aq, ekpe 200 myń medıtsına qyzmetkerine, qoǵammen únemi baılanysta júrip jumys isteıtin polıtsııa ókilderine birinshi salynady.