ASTANA. KAZINFORM - Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Bekzat Nurdáýletov fınalǵa joldama aldy.
Álem chempıony Bekzat Nurdáýletov 86 kelige deıingi salmaqta ýkraınalyq Danııl Jasanmen tartysty jekpe-jek ótkizdi.
Birinshi raýndta D.Jasan 3:2 esebimen alǵa shyqty. Degenmen budan keıin Bekzat kambek jasaı bildi. Qorytyndy esep - 4:0.
Eske sala keteıik, budan buryn Abylaıhan Júsipovtiń ekinshi ret bokstan Azııa chempıonatynyń fınalyna shyqqanyn jazǵan bolatynbyz.
Dıas Moljigitov fınalıster qataryna qosyldy.
Budan buryn 22 jasqa deıingiler arasynda Azııa chempıonatynda kúmis júldeger atanǵan D.Moljigitov 75 kelige deıingi salmaqta ýkraınalyq Pavel Ilıýshamen kezdesti.
Kezdesý tartysty ótip, tóreshilerdiń sheshimimen jeńis qazaqstandyq boksshyǵa berildi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).