Áýesqoı boksqa oralýymnyń birneshe sebebi bar - Bekzad Nurdáýletov

<p>Bokstan Qazaqstan komandasynyń múshesi Bekzad Nurdáýletov kásibı bokstan áýesqoılar arasyna qaıta oralý sebebin túsindirdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

«Áýesqoı boksqa qaıta oralýymnyń birneshe sebebi bar. Onyń ishindegi eń mańyzdysy – elimiz namysyn iri jarystarda qorǵaǵym keldi. Sondyqtan qaıta oraldym. Árıne, kásibı bokstan túbegeıli ketken joqpyn. Ol jaqta da alatyn asýym, shyǵar bıigim bar. Al Tokıo Olımpıadasyndaǵy sátsizdikten soń qatarǵa qosylý ońaı bolmady. Psıhologtarmen jumys istedim. Bapkerlerim kómektesti. Tokıo oıyndary men úshin úlken sabaq boldy», - dep keltiredi B. Nurdáýletovtiń sózin Ulttyq Olımpıada komıteti.

Eske salaıyq, bıylǵy 15 jeltoqsanda Astanada Halyqaralyq boks qaýymdastyǵynyń (IBA) uıymdastyrýymen «Chempıondar túni» atty kásipqoı boks keshi ótti. Onda Bekzad Nurdaýletov (6-0, 2 KO) reseılik boksshy Nıkıta Zondy jeńdi.