Bektursyn Ýalıev Qostanaı oblysynyń bas ımamy bolyp taǵaıyndaldy

<p>QOSTANAI. KAZINFORM &mdash; QMDB Tóraǵasy, Bas múftı Naýryzbaı qajy Taǵanulynyń buıryǵymen Qostanaı oblysynyń bas ımamy bolyp Bektursyn Ýalıev taǵaıyndaldy.&nbsp;</p>

Qazaqstan Musylmandary Dinı basqarmasynyń málimetinshe, ol buǵan deıin Qostanaı qalalyq «Maral Ishan» meshitiniń ımamy qyzmetin atqarǵan.

Jańadan taǵaıyndalǵan bas ımamdy óńirdiń din qyzmetkerlerine QMDB Ýaǵyz-nasıhat bóliminiń meńgerýshisi Batyrjan Mansurov tanystyryp, QMDB Tóraǵasy Naýryzbaı qajy Taǵanulynyń buıryǵyn oqyp berdi. 

Foto: muftyat.kz

Sondaı-aq Qostanaı oblystyq «Aımaǵanbet qajy Spanuly» meshitinde óńirdegi qala jáne aýdan bas ımamdarynyń qatysýymen ótken jıynda oblystyq Din ister basqarmasynyń basshysy Erlan Bolatuly jańadan taǵaıyndalǵan bas ımam Bektursyn Torǵaıbaıulyna izgi tilegin bildirip, jaýapty qyzmetine abyroı tiledi. 

Foto: muftyat.kz

Buǵan deıin Býrabaıda masań kúıde kólik júrgizgen Qostanaıdyń bas ımamy ustalǵanyn jazǵan bolatynbyz.

Polıtsııa ákimshilik hattama toltyryp, 15 táýlikke qamaýǵa aldy.