Bektenov ShIK otyrysyna qatysýshylarmen ınvestıtsııalyq yntymaqtastyq máselelerin talqylady

<p>ASTANA. KAZINFORM &ndash; Astanada Memleket basshysy Qasym-Jomart Toqaevtyń tóraǵalyǵymen ótken Sheteldik ınvestorlar keńesi aıasynda Úkimet deńgeıindegi otyrysqa&nbsp; qatysýshylarmen birqatar kezdesý ótti. Birlesken ınvestıtsııalyq jobalardy iske asyrýdaǵy yntymaqtastyq, munaı-gaz salasy men energetıka sektoryndaǵy ózara is-qımyl máseleleri talqylandy.&nbsp;</p>

Premer-mınıstr Oljas Bektenov pen Eýropalyq qaıta qurý jáne damý bankiniń prezıdenti Odıl Reno-Bassomen kezdesýinde EQDB-nyń iri ınfraqurylymdyq jobalarǵa, onyń ishinde 2029 jylǵa deıingi ulttyq ınfraqurylymdyq jospar sheńberinde qatysý perspektıvalary qaraldy.

Jalpy, Qazaqstanda EQDB qatysýymen quny $11 mlrd-tan asatyn 300-den astam joba sátti iske asyryldy, eń iri jobalardyń biri – ÚAAAJ. Shaǵyn jáne orta kásipkerlikti qoldaý jáne MJÁ jobalaryn iske asyrý salasyndaǵy ózara is-qımylǵa nazar aýdaryldy. Osy baǵytta EQDB Kókshetaý qalasynda 630 tósek-oryndyq kópbeıindi aýrýhana qurylysyn qarjylandyrady. 

Úkimet búginde halyqaralyq qarjy ınstıtýttaryn tarta otyryp, tolyq júzege asyratyn aýqymdy MJÁ jobalarynyń pýlyn daıyndaý boıynsha jumys júrgizýde. Budan basqa, ekonomıkany kómirteginen aryltý jáne kólik-logıstıka salasyndaǵy jobalardy birlesip iske asyrý, onyń ishinde Orta dálizdi damytýǵa baǵyttalǵan jáne basqa da máseleler qaraldy.