Bektenov sheteldik aýyl sharýashylyǵy tehnıkasyna lızıng berý nege toqtatylǵanyn aıtty
«Aýyl sharýashylyǵyn aıtsaq, egis jumystaryn qarjylandyrý bıyl 4 ese ósti. ıAǵnı, 540 mlrd teńge dıqandarǵa jiberildi. Oǵan qosa jańa lızıngtik baǵdarlamaǵa 100 mlrd teńge jiberildi. Ol baǵdarlama arqyly aýyl sharýashylyǵy tehnıkasyn satyp aldy. Aýyl sharýashylyǵy tehnıkasyn aıtsaq, biz bıyl ımporttyq tehnıkaǵa beriletin sýbsıdııalardy toqtattyq. Bizdiń pikirimizshe, biz ózimizdiń bıýdjet qarajatymyzdyń esebinen basqa eldiń emes, tek óz óndirýshilerimizdi qoldaýymyz qajet. Jalpy otandyq óndirýshilerdi qolaý baǵytyna keler bolsaq, bul men basqaryp otyrǵan Úkimettiń negizgi basymdyqtarynyń biri», - dedi Premer-mınıstr.
Sondaı-aq ol bıyl 6,5 myń shaqyrym kommýnaldyq jeli jóndeletinin atap ótti.
«Avtomobıl joldaryna toqtalsaq, bıyl 12 myń shaqyrym avtomobıl jolda qurylys, kúrdeli jóndeý jáne jóndeý jumystary júrgiziledi. Bul – úlken kórsetkish. Bıyl 13 arnaıy ekonomıkalyq jáne ındýstrıaldyq aımaq qajetti ınfraqurylymmen qamtamasyz etiledi. Bul – kóp ındýstrıaldyq jobalardy iske qosýǵa múmkindik beretin qadam. 1 800 shaqyrym gaz qubyry salynady. Ol degenimiz 300 myń turǵyny bar 67 eldi meken bıyl gazǵa qol jetkizedi degen sóz. 6,5 myń shaqyrym kommýnaldyq jeli jóndeýden ótkiziledi. 70 jańa ınvestıtsııalyq joba iske qosylady. Ol shıkizat emes, joǵary óńdelgen taýar óndirýge baǵyttalady. Sondyqtan biz ony qoldap jatyrmyz», - dedi Oljas Bektenov.