Bektenov ıtalııalyq kompanııa basshylyǵymen óndiristi lokalızatsııalaý keleshegin talqylady

<p>ASTANA.KAZINFORM &mdash; Qazaqstan Premer-mınıstri Oljas Bektenov bıyl qańtarda Rımde QR Prezıdentiniń qatysýymen ótken Qazaqstan&ndash;Italııa dóńgelek ústeliniń alańdarynda jasalǵan kelisimder men memorandýmdardy iske asyrý máseleleri boıynsha energetıka jáne munaı-gaz hımııasy salasyndaǵy jabdyqtardyń jetekshi óndirýshileri &ndash; ıtalııalyq kompanııalardyń basshylarymen kezdesti. Bul týraly Qr Úkimeti habarlady.&nbsp;</p>

Ansaldo Energia bas dırektory Fabrıtsıo Fabbrımen kelissózder barysynda ınnovatsııalyq tehnologııalardy qoldaný arqyly energetıkalyq ınfraqurylymnyń tıimdiligin arttyrý sharalary talqylandy. Bul baǵytta ıtalııalyq kompanııanyń gaz jáne bý týrbınalaryn ázirleý salasyndaǵy tájirıbesi perspektıvaly sanalady. Buryn qabyldanǵan kelisimge sáıkes Almaty JEO-3 úshin eki gaz týrbınasy óndiriletin bolady. Osyǵan baılanysty taraptar ózara tıimdi yntymaqtastyqqa jáne Qazaqstandaǵy gaz týrbınalyq qondyrǵylar úshin komponentterdi lokalızatsııalaýǵa múddeli. Bul elimizde gaz týrbınaly generatorlyq qondyrǵylar úshin ártúrli komponentter óndirýge múmkindik beredi jáne elektr energııasyn óndirýge arnalǵan jabdyqtar salasynda joǵary tehnologııalyq jetkizý tizbegin jasaıdy.

Maire Tecnimont kompanııasynyń prezıdenti Alessandro Bernınımen kezdesýde kómirsýtek shıkizatyn tereń óńdeý jáne qosylǵan quny joǵary, sapaly ári básekege qabiletti ónim shyǵarýdy arttyrý salasyndaǵy ózara is-qımyl qarastyryldy. Qazirgi ýaqytta Qazaqstanda álemdik naryqtarda suranysqa ıe polımerler men basqa da mańyzdy ónimderdi shyǵaratyn zaýyttar salý boıynsha aýqymdy jobalar iske asyrylýda. Óz kezeginde, Maire Tecnimont polıetılen, býtadıen, turaqty avıatsııa otynyn óndirý, sondaı-aq gaz bólý keshenin salý salasyndaǵy ınvestıtsııalyq jobalardy iske asyrýǵa qatysýǵa múddeli. Aıta ketý kerek, turaqty avıatsııa otyny jobasy boıynsha seriktestik Qazaqstandaǵy avıatsııa salasyndaǵy jasyl tehnologııalardy damytýǵa eleýli úles qosady. Atalǵan otyndy óndirý kómirtegi zııandy qaldyqtaryn azaıtýǵa, ekologııalyq qaýipsiz ushýdy arttyrýǵa jáne Qazaqstannyń jahandyq ekologııalyq tehnologııalar naryǵyndaǵy pozıtsııasyn nyǵaıtýǵa múmkindik beredi.

Kezdesýlerdiń qorytyndysy boıynsha Premer-mınıstr Oljas Bektenov qaıta óńdeýge basa nazar aýdara otyryp, ekonomıka qurylymyn ártaraptandyrýǵa jáne ózgertýge baǵyttalǵan aýqymdy ınfraqurylymdyq bastamalardyń mańyzyn atap ótti. Sondaı-aq birlesken jobalardy iske asyrýdyń barlyq kezeńinde Úkimettiń sheteldik ınvestorlarǵa járdem kórsetýge ázir ekenin rastady.

Eske sala keteıik, búgin Oljas Bektenov Ýkraına tóńiregindegi jaǵdaıǵa baılanysty qorǵanys, ishki ister, tótenshe jaǵdaılar, syrtqy ister, densaýlyq saqtaý, kólik, energetıka, ónerkásip jáne qurylys, ulttyq ekonomıka, qarjy mınıstrlikteriniń basshylyǵymen Memleket basshysynyń negizgi áskerı jáne azamattyq obektilerdiń qaýipsizdigin qamtamasyz etý jóninde shuǵyl sharalar qabyldaý týraly tapsyrmalaryn oryndaý jóninde jedel keńes ótkizdi.