Bektenov 2025 jylǵy 1 qańtardan bastap Áleýmettik ámııan engizýdi tapsyrdy
«Buqaralyq sportty damytý maqsatynda Týrızm jáne sport mınıstrligi jyl sońyna deıin Zań jobasyna tıisti normalardyń, onyń ishinde balalar men jasóspirimder mektepterin jan basyna shaqqandaǵy qarjylandyrýdy engizý boıynsha normalardy qamtamasyz etýi qajet. Tsıfrlyq damý mınıstrligi Eńbek, Densaýlyq saqtaý, Oqý-aǵartý mınıstrlikterimen jáne óńir ákimdikterimen birlesip, 2025 jylǵy 1 qańtardan bastap Áleýmettik ámııannyń engizilýin qamtamasyz etsin. Tıisinshe, 1 jeltoqsanǵa deıin Áleýmettik ámııanǵa kiretin memlekettik qyzmetter tizilimin bekitý kerek», - dedi Úkimet basshysy.
Premer-Mınıstrdiń atap ótýinshe, Áleýmettik ámııan tetigin engizý zańnamaǵa ózgerister engizýdi talap etedi.
«Bul jumysty Tsıfrlandyrý jáne Eńbek mınıstrlikteri bıylǵy jyldyń sońyna deıin júrgizýi qajet. Ulttyq ekonomıka mınıstrligi Memleket basshysynyń Joldaýyn iske asyrý jónindegi jalpyulttyq jospar jobasyn tez arada Úkimettiń qaraýyna engizsin. Qabyldanyp jatqan sharalardyń barlyǵy dáıekti túrde ári memlekettik organdar men ekonomıka sektorlary arasynda úılesimdi iske asyrylýǵa tıis. Ózara is-qımyldyń teńgerimdi tetigi ǵana turaqty ekonomıkalyq ósýdi qamtamasyz etýge múmkindik beredi. Barlyq mınıstrlikter zań jobalaryn sapaly pysyqtaý úshin Parlament depýtattarymen tyǵyz baılanysta jumysty kúsheıtýleri qajet. Bizdiń árbir qadamymyz ortaq nátıjege – halqymyz ben elimizdiń ál-aýqatyna baǵyttalýǵa tıis. Prezıdent Joldaýynyń iske asyrylý nátıjesin qazaqstandyq árbir azamat sezinýi kerek», - dedi Oljas Bektenov.