Bekshın koronavırýsty kimder jıi juqtyratynyn aıtty

ALMATY. QazAqparat - Almatynyń bas sanıtar dárigeri Jandarbek Bekshın búgin onlaın-brıfıngide almatylyqtar qaı jerde koronavırýsty jıi juqtyratynyn aıtty dep, habarlaıdy QazAqparat tilshisi.

Onyń aıtýynsha, indet optımıstik kórsetkishterge qaramastan áli de qaýipti.

«Búginde qalanyń ınfektsııalyq statsıonarlarynda 673 adam koronavırýstan emdelip jatyr. Onyń ishinde 17 bala bar. Sondyqtan 12 jastan asqan jasóspirimderdi belsendi vaktsınalaý óte mańyzdy. Jańa «delta» nusqa balalar úshin óte qaýipti ári tez juǵady. Eger ótken jyly 281 oqýshy juqtyrsa, osy jyldyń basynan beri indetke shaldyqqandar sany - 15 039», - dedi qalanyń bas sanıtarlyq dárigeri.

Epıdemıolog almatylyqtar qaı jerde koronavırýsty jıi juqtyratynyn aıtty.

«Juqtyrǵandardyń ishinde eń kóp bóligi ózin-ózi jumyspen qamtyǵan jáne jumyssyz azamattar – 28%, zeınetkerler – 25%, túrli uıymdar, JShS, jeke ksipkerlik qyzmetkerleri – 21%. Bir apta ishinde juqtyrǵandardyń jalpy sanynan jasóspirimder 5,3%, 14 jasqa deıingi balalar – 13,3%, onyń ishinde 1 jasqa deıin – 2,2% quraıdy», - dep atap ótti Jandarbek Bekshın.