Bekshın: Koronavırýs juqtyrǵan almatylyqtardyń 82% vaktsına almaǵandar

ALMATY. QazAqparat - Infektsııa juqtyrǵan almatylyqtardyń 82% kovıdke qarsy ekpe almaǵandar. Bul týraly Óńirlik kommýnıkatsııalar qyzmeti ortalyǵyndaǵy baspasóz máslıhatynda qalanyń bas sanıtarlyq dárigeri Jandarbek Bekshın málim etti, dep habarlaıdy QazAqparat tilshisi.

Jandarbek Bekshınniń aıtýynsha, megapolıstiń «jasyl» aımaqqa ótýine qala turǵyndary men túrli uıymdardyń karantındik shekteýlerdi saqtaýy sep boldy.

«Jalpy, megapolıste koronavırýs ahýalynyń turaqtanýy jalǵasýda. Apta ishinde ınfektsııanyń jańadan 936 jaǵdaıy tirkeldi, ótken táýlikte koronavırýsty 128 adam juqtyrǵan. Aıta ketetin jáıt, ınfektsııa juqtyrǵandardyń 82% vaktsınalanbaǵan azamattar», - dedi ol.

Almatynyń bas sanıtarlyq dárigeriniń sózinshe, derttiń optımıstik kórsetkishterine qaramastan, kovıd balalar úshin qaýipti.

«Sondyqtan 12 jastan asqan jasóspirimderdi belsendi vaktsınalaý óte mańyzdy. Jańa «delta»-nusqa balalar úshin óte qaýipti ári tez juǵady, eger ótken jyly 281 oqýshy juqtyrsa, osy jyldyń basynan beri juqtyrǵandar sany 15 039 jetti», - dedi spıker.

Sonymen qatar, ol ýaqyt óte kele antıdenelerdiń kontsentratsııasy tómendeıtinin tilge tıek etti.

«Vaktsınalardyń alǵashqy dozalaryn alǵannan keıin 6 nemese 9 aı ótken soń KVI-ǵa qarsy revaktsınatsııa jasaý qajet»,- dedi ol.