Bekshın: Almatyda koronavırýstyń bes jańa shtamyna 31 zertteý júrgizilip jatyr

ALMATY. QazAqparat – Almatynyń bas sanıtar dárigeri Jandarbek Bekshın onlaın brıfıng barysynda megapolıste koronavırýstyń 5 túrli shtamyna zertteý júrgizilip jatqanyn aıtty, dep habarlaıdy QazAqparat tilshisi.

Onyń aıtýynsha, qalada SOVID-19 shtamdaryn anyqtaýdyń jańa jedel PTR-skrınıng ádistemesi engizildi.

«Elimizde shtamdardy baqylaý júıesi bar, biz olarǵa monıtorıng júrgizemiz. Naýryz aıynyń sońynda Almatyda koronavırýstyń «brıtandyq» shtamm aınalymynyń 77%-y anyqtaldy, mamyr aıynyń sońynda bul kórsetkish 84%-ǵa deıin ósti. Osy aptada biz «brıtandyq», «úndi», «brazılııalyq», «danııalyq» jáne «vetnamdyq» shtammdar boıynsha jumys isteı bastadyq», – deıdi Jandarbek Bekshın.

Almatynyń bas sanıtar dárigeriniń sózinshe, bul shtamdar asa juqpaly ári óte aýyr túrde bolady.

Qalada «brıtandyq» shtammdy juqtyrý kórsetkishi joǵary, qala turǵyndary «Ýhan» shtamyna qaraǵanda osy shtamdy eki ese jıi juqtyrady.

«Almatyda bes shtamm boıynsha qazirdiń ózinde 31 zertteý júrgizilip jatyr»,- dedi ol.