«Bekire-2024»: Atyraý oblysynda ÝAZ kóliginen 89 keli bekire tárkilendi

<p>ATYRAÝ. KAZINFORM &ndash; Atyraý oblysynda ÝAZ kóliginen 89 keli bekire tárkilendi.</p>

Atyraý oblystyq polıtsııa departamentiniń baspasóz qyzmetinen málim etkendeı, «Bekire-2024» balyq qorǵaý aktsııasy aıasynda munaı óńirden shyǵatyn jol baqylaýǵa alynǵan. 

«Patrýldik polıtsııa rotasynyń qyzmetkerleri 11 sáýir kúni saǵat 21:00 shamasynda «Aqtóbe-Atyraý-Reseı Federatsııasynyń shekarasy» baǵytyndaǵy jolda ÝAZ kóligin toqtatty. Kúdik týdyrǵan kóliktiń rýlinde 44 jastaǵy júrgizýshi bolǵany anyqtaldy. Tekserý kezinde kóliktiń júk salǵyshynan 89 keli bekire tuqymdas balyq tabyldy. Zańsyz tasymaldanǵan balyq 4 qapqa salynǵan», - dep habarlady departamenttiń baspasóz qyzmeti. 

Kúdikti jedel-tergeý tobyna tapsyryldy. Qazir qylmystyq is qozǵalyp, tergeý amaldaryn júrgizý bastaldy. 

Eske salla ketelik, budan buryn Atyraýda 1 sáýirden beri 425 keli bekire, 2,5 keli qaraýyldyryq tárkilengenin habarlaǵan bolatynbyz.