«Bekire-2024»: 3 adamnyń ústinen qylmystyq is qozǵaldy

<p>ASTANA. KAZINFORM - UQK Shekara qyzmeti 1 sáýirden 31 mamyrǵa deıin Atyraý, Mańǵystaý jáne Batys Qazaqstan oblystarynda, olarǵa irgeles jatqan aýmaqtyq sýlarda, Kaspıı teńizinde &laquo;Bekire-2024&raquo; balyq qorǵaý aktsııasyn ótkizdi, dep habarlaıdy QR UQK baspasóz qyzmeti.&nbsp;</p>

Nátıjesinde 90 aýmaqtyq jáne ishki sý rejımin, 72 shekaralyq rejımdi buzýshy ustalyp, 69 júzý quraldary alyndy. 

Kóptegen brakonerlik aýlaý quraldary, onyń ishinde 263 km-den astam tor men 20 myń ilmek tárkilendi.

Tabıǵı mekendeý ortasyna 1 085 bekire tuqymdas balyq (salmaǵy 5 536 kg), 65 474 usaq tuqymdas balyq (salmaǵy 52 571 kg), sondaı-aq 67 ıtbalyq jiberildi.

Foto: UQK

Salynǵan ákimshilik aıyppuldyń jalpy somasy 7,3 mln teńgeden asty. 

Qazaqstannyń 3 azamatyna qatysty Qylmystyq kodekstiń 339-baby boıynsha (ósimdikterdiń nemese janýarlardyń sırek kezdesetin jáne Quryp ketý qaýpi tóngen, sondaı-aq ósimdikter men janýarlardyń túrlerine, olardyń bólikterine nemese derıvattaryna paıdalanýǵa tyıym salynǵan túrlerge zańsyz qaraý) qylmystyq ister qozǵaldy.

Memleketke keltirilgen zalal 2,3 mlrd teńgege baǵalanady.