Bekman Soılybaev Túrkııada «Taısondy» jeńdi

<p>Qazaqstandyq boksshy Bekman Soılybaev (17-1, 8 KO) ózbekstandyq, &laquo;Kishkentaı Taıson&raquo; laqap aty bar Mırzamýhammad Hıkmatýllaevpen jekpe-jek ótkizdi.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://t.me/allsportskz/15493" target="_blank" rel="noopener">Sports.kz-ke</a>&nbsp;silteme jasap habarlaıdy.</p>

10 raýndqa eseptelgen kezdesý Túrkııanyń Trabzona qalasynda ótti jáne aqylǵa sıymsyz kórinispen aıaqtaldy.

Ekinshi raýndta Hıkmatýllaev ıyǵyn jaraqattap aldy, onysy raýnd sońyna qaraı asqynyp, aqyrynda boksshy aıqasty toqtatatyny týraly referıge belgi berdi. Alaıda tóreshi ózbekstandyqtyń ótinishin nazardan tys qaldyrdy, tipti ol Soılybaevtan basyna aýyr soqqylar alyp jatyp, ekinshi ret qolyn kótergen kezde de oǵan mán bermedi. Túsiniksiz jaǵdaı odan ári jalǵasyp, Ózbekstan sportshysynyń sekýndanttary rıngke oramal laqtyrǵan kezde, tóreshi ony ózderine qaıta laqtyryp jiberdi. Solaısha, boksshylardyń jekpe-jegi jalǵasa berdi. Ózbekstandyq bapkerlerge óz boksshylaryn tek raýnd sońynda ǵana qutqarý múmkin boldy.

Bekman Soılybaev úshin bul kásipqoı boks mansabyndaǵy 18-inshi jeńis boldy. Al Mırzamýhammad Hıkmatýllaev altynshy ret rıngte jyǵyldy.

Soılybaev WBA Inter-Continental chempıony, ony ótken jyly jeńip aldy.

Jekpe-jek vıdeosyn myna jerden kórýge bolady.