«Bekire-2016» aktsııasy barysynda zańnama buzýdyń 1,2 myń faktisi anyqtaldy
«Onyń ishinde 915 fakti zańsyz aýlaý, 56 - keme qatynasy rejimin buzý, 68- balyqty zańsyz tasymaldaý, 22 - balyqty zańsyz satý. Osylaısha, zań buzýshylardan 31 tonnadan asa balyq tárkilendi, sonyń 23 tonnasy bekire tuqymdas balyǵy jáne 3,5 keli ýyldyryq. Buǵan qosa, 2290 aýlaý men 146 júzý quraldary tárkilendi. Brakonerlerdiń balyq resýrstaryna keltirgen zalaly 6,8 mln. teńgeni qurady»,-dep habarlandy QR AShM baspasóz qyzmetinen.
Atap aıtqanda, «Bekire» aktsııasy jyl saıyn 1 sáýir men 31 mamyr aralyǵynda Atyraý, Mańǵystaý jáne Batys Qazaqstan oblystarynda ótkiziledi. Quqyq jáne tabıǵat qorǵaý organdary baǵaly balyq túrleri ýyldyryq shashý maýsymynda zańsyz balyq aýlaýǵa, ótkizýge, satyp alýǵa jáne olardy zańsyz tasymaldaýǵa jol bermeý úshin birlesip jumys atqarady. Osyǵan baılanysty balyqtardyń, sonyń ishinde bekire tuqymdas túrleriniń ýyldyryq shashý oryndaryna kedergisiz jetýine qolaıly jaǵdaı týǵyzý sharalar atqarylady.