«Beket-2022»: Qostanaı oblysynda vedomstvoaralyq jattyǵý jalǵasyp jatyr

ASTANA. QazAqparat – Birlesken oqý-jattyǵý memlekettik jáne qoǵamdyq qaýipsizdikti qamtamasyz etý jónindegi is-sharalardy ótkizý kezinde ártúrli vedomstvolyq kúshterdiń ózara is-qımyl elementterin pysyqtaýǵa baǵyttalǵan, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Oqý-jattyǵýdyń jospary boıynsha «ákimshilik ǵımarat basyp alynyp, oblysta tótenshe jaǵdaı rejım engizildi. Polıtsııa departamentinde komendatýra qyzmeti ashylyp, onyń jumysy uıymdastyryldy. Terrorızmge qarsy kúres jónindegi oblystyq jedel shtab quryldy».

Jedel-taktıkalyq oqý-jattyǵý barysynda quqyq qorǵaý, arnaıy organdar, sondaı-aq Qorǵanys mınıstrliginiń Arnaıy operatsııalar kúshteri terrorıstik sıpattaǵy qaýip-qaterler týyndaǵan kezde memlekettik organdardyń den qoıý jáne ózara is-qımyl máselelerin pysyqtady.

Sondaı-aq, Shekara qyzmeti áskerı qyzmetshileriniń qatysýymen taktıkalyq oqý-jattyǵý da ótti. Shekarashylar «qylmystyq qýdalaýdan qashýǵa tyrysatyn qarýly topty izdeý, olardy oqshaýlap, joıý sharalaryn júzege asyrdy».

24 qyrkúıekke deıin jalǵasatyn keshendi oqý-jattyǵýǵa Qorǵanys, Іshki ister, Tótenshe jaǵdaılar, Ulttyq ekonomıka, Densaýlyq saqtaý, Qarjy, Aqparat jáne qoǵamdyq damý mınıstrlikteriniń, UQK Shekara qyzmetiniń jáne Ulttyq ulannyń jedel toptary qatysyp jatyr.