Bekbolat Tileýhan dene bitimindegi kemshilikti aıtty
Júzdesý barysynda Bekbolat Tileýhan Elbasynyń dúrbeleń kezeńdegi qaıratkerligi, mineziniń bekemdigi men qajyr-qaraty jaıynda sóz qozǵady.
«Táýelsizdikten tátti eshteńe bolýy múmkin emes. Azattyqtan asyl eshteńe joq. Óz sharýańdy ózi sheshý degen maqtanarlyq jaıt. Táýelsizdiktiń eleń-alańynda Elbasynyń aldynda taraý-taraý jol turdy. Tańdaý kerek boldy. Memleket basshysy shatassa búkil alash jurty shatasatyn edi. Ol kisi qulasa, búkil qazaq qular edi. Búkil ulttyń jaýapkershiligin bir adam moınyna aldy. Bul sumdyq tarıhı jaýapkershilik», - dep atap ótti Májilis depýtaty.
Sonymen qatar ol óner jolynda az qıynshylyq kórmegendigin, dene bitimine de keri áseri bolǵandyǵyn atap ótti.
«Jasyratyny joq, osy dombyrany qatty ustaǵannan fızıanomııam buzyldy. Eki ıyǵym teń emes. Mysal úshin eki qolym eki túrli. Meniń aıtaıyn dep otyrǵanym, bir nársege jan-tánińmen berilip aınalyspasań, eshnárse shyqpaıdy. Ol sportta da, ónerde de solaı. Óte talantty adamdar bolady. Biraq, ol talantyn ushtamasa qalyp qoıady», - dedi ol.
Ánshi Ibragım Eskendir júrgizgen sharaǵa Qazaqstan estradasynyń juldyzdary Beıbit Qorǵan men Ernar Aıdar, akter Ádil Ahmetov, Rıo Olımpıadasynyń chempıony Danııar Eleýsinov, kásipqoı boksshy Janqosh Turarov qatysyp, Otan, eldikti saqtaý, beıbitshilik qadiri, azattyq jolynda jan qıǵan asyl erlerdiń eren eńbegin tilge tıek etti.
Kezdesýdi Astana qalalyq jastar saıasaty máseleleri jónindegi basqarmanyń qoldaýymen «Nur Otan» partııasy «Jas Otan» jastar qanaty uıymdastyrdy.