Bek Nurmaǵanbet pen Ábilhan Amanqul álemdik reıtıngide joǵarylady

<p>Qazaqstandyq boksshylar Bek Nurmaǵanbet (11-0, 9 KO) pen Ábilhan Amanquldyń (4-0-1, 4 KO)&nbsp;<a href="https://vk.com/away.php?to=http%3A%2F%2FBoxrec.com&amp;post=-122024473_23300&amp;cc_key=" target="_blank" rel="noopener">Boxrec.com</a>&nbsp;saıtyndaǵy reıtıngi AQSh-ta ótken jekpe-jekterinen keıin jaqsara tústi, dep habarlaıdy&nbsp;<a href="https://kaz.inform.kz/" target="_blank" rel="noopener">QazAqparat.</a></p>

Instagram-daǵy «Qazaqstannyń ákispqoı boksy» paraqshasynda jazylǵandaı, B.Nurmaǵanbet BoxRec reıtınginde 47-orynnan 41-orynǵa kóterildi. Al Á.Amanqul jekpe-jeginiń teń upaımen aıaqtalýyna qaramastan, orta salmaq sanatyndaǵy boksshylar tiziminde joǵarylaı tústi – 78-den 70-ke bardy.

Eske salaıyq qazaqstandyq qos boksshy 1 qazan kúni túnde Lag-Vegas qalasynda Saýl "Kanelo" Alvares - Djermall Charlo aıqasynyń anderkardynda óner kórsetti.

Nurmaǵanbet úshinshi raýndta nıgerııalyq sportshy Abımbola Osýndaırony (5-1, 3KO) nokaýtqa jiberse, amerıkalyq Djoshon Djeımspen (7-0-2, 4KO) kezdesken Amanquldyń aıqasy tóreshiler sheshimimen teń aıaqtaldy.

25 jastaǵy Bek Nurmaǵanbet byltyr WBA International-dyń sýperorta salmaqtaǵy chempıony beldigin jeńip alǵan bolatyn. Ábilhan Amanqul bıylǵy mamyr aıynda meksıkalyq faıter Fabıan Fraýstony (7-8-3, 4 KO) ekinshi raýndta nokaýtqa jibergen edi. Jalpy 26 jastaǵy boksshy D.Djeımske deıingi barlyq aıqasyn jeńispen aıaqtaǵan.

Al keshtiń basty jekpe-jeginde S.Alvares jeńiske jetti. Boks tarıhynda alǵash ret álemniń eki absolıýtti chempıony kezdesti. «Kanelo» ekinshi orta salmaqta tórt beldiktiń ıegeri, al Charloǵa birinshi orta salmaqtaǵy WBA, WBC, WBO jáne IBF tıtýldary tıesili.

Jekpe-jekte S.Alvareske tıesili tıtýldar báske qoıyldy. Kezdesý josparlanǵan barlyq 12 raýndqa jalǵasty jáne tóreshilerdiń biraýyzdy sheshimimen «Kanelonyń» paıdasyna aıaqtaldy. Solaısha, meksıkalyq boksshy «Kanelo» álemniń absolıýtti chempıony ataǵyn úshinshi ret qorǵap qaldy.