«Bek Air» ushaǵyna mine almaǵandar qosymsha poıyzben jolǵa shyǵatyn boldy

NUR-SULTAN. QazAqparat – QR Indýstrııa jáne ınfraqurylymdyq damý mınıstrligi Úkimettiń tapsyrmasy boıynsha «Bek Air» áýe kompanııasynyń ushaǵyna mine almaǵandar úshin «Nur-Sultan-Almaty» baǵytymen qosymsha poıyz qyzmetin uıymdastyrmaq, dep habarlaıdy QazAqparat.

Mınıstrlik taratqan málimetterge qaraǵanda, poıyz 2019 jyldyń 30 jeltoqsany kúni saǵat 22:03-te Nur-Sultan-1 stantsııasynan shyǵyp, osy jyldyń 31 jeltoqsany kúni saǵat 17:30-da Almaty-2 stantsııasyna keledi.

Poıyz mınıstrlik tarapynan bıýdjettik josparlaý baǵdarlamasy aıasynda satyp alynǵan 16 jańa kýpelik vagondardan qurylǵan.

Jolaýshylar bıletterdi temirjol vokzaldary men tasymaldaýshy kompanııanyń www.bilet.railways.kz. saıty arqyly satyp ala alady.

Bul máseleniń egjeı-tegjeıin bilý úshin temirjol vokzaldarynyń 105 nómirli anyqtama qyzmetine telefon shalý kerek.