«Bek Air» ushaǵynyń apatqa ushyraýyna qatysty qylmystyq is boıynsha tergeý aıaqtaldy

<p>ASTANA. KAZINFORM - &laquo;Bek Air&raquo; ushaǵynyń apatqa ushyraýyna qatysty qylmystyq is boıynsha tergeý áreketteri aıaqtaldy, dep habarlady QR Bas kólik prokýratýrasynyń <a href="https://www.gov.kz/memleket/entities/gtp/press/news/details/740946?lang=kk" target="_blank" rel="noopener">baspasóz</a> qyzmeti.</p>

Baspasóz qyzmetiniń málimetterine qaraǵanda, Kóliktegi polıtsııa departamenti protsess prokýrormen kelise otyryp, Almaty áýejaıynda 2019 jyldyń 27 jeltoqsanynda bolǵan «Bek Air» kompanııasy «Fokker-100» ushaǵynyń apatqa ushyraý faktisi týraly qylmystyq is boıynsha tergeý áreketteriniń aıaqtalǵanyn habarlady.

4 myńnan astam tergeý áreketteri (2000 tekserý, 1350 jaýap alý, 250 alý), 150 sot-medıtsınalyq saraptama jáne arnaıy zertteýler júrgizildi.

Halyqaralyq yntymaqtastyq sheńberinde prokýratýra QR Syrtqy ister mınıstrliginiń kómegimen Belgııa, Germanııa, Lıýksembýrg, Nıderlandy jáne t.b. shet memleketterden halyqaralyq quqyqtyq kómek kórsetý týraly ótinishterge is úshin mańyzy bar qajetti quqyqtyq-tehnıkalyq aqparat alyndy.

Qazirgi ýaqytta protseske qatysýshylar sotqa deıingi tergep-tekserý materıaldarymen tanysyp jatyr.