Bek Air basshylyǵy ushaq apatyna qatysty óz nusqalaryn aıtty

ALMATY. QazAqparat – Bek Air áýe kompanııasynyń Ushý qyzmetiniń basshysy Erik Saparov 27 jeltoqsanda Almatyda Fokker 100 ushaǵynyń apatqa ushyraýyna qatysty ishki tekserýdiń nátıjelerin jarııalady, dep habarlaıdy QazAqparat tilshisi.

Ushý qyzmeti basshysynyń aıtýynsha, áýe kemesiniń komandıri ushaq pen jolaýshylardy aman alyp qalý úshin sońyna deıin áreket jasaǵan.

«Jel - 140, tynysh, 1000 metrden bári kórinedi, erekshe qubylystar baıqalmaıdy. Onda nelikten ushaq teńselip, bir qanatynan ekinshi qanatyna aýysyp, aýytqıdy, buǵan alǵan jyldamdyq sebep pe? Biz aldymyzda qandaı ushaq ushqany týraly derekterdi aldyq. Belgili bolǵandaı, aldymyzda 90 tonnaǵa deıin júk kótere alatyn Máskeýge baǵyt alǵan Air Astana áýe kompanııasyna tıesili Airbus 321 Neo ushaǵy ushqan. Endi ushý ýaqytyna nazar aýdaryńyzdar: 01:19 sekýnd UTC, ıaǵnı Almaty ýaqyty boıynsha - 7:19. Onyń jyldamdyǵy - 184 túıin. Bizdiń Fokker 100 saǵat 01: 20 sekýndta, jyldamdyǵy 155 túıinmen ushty. ıAǵnı, arasy - 1 mınýt, Fokker 100 kókke kóterilgende aldyńǵy ushaqtyń aýada qaldyrǵan ıirim izine baryp shatasty, - dedi ol.

Onyń málimetinshe, ushaqtyń apatqa ushyraýyna aldynda ushqan ushaqtyń tútini áser etken bolýy da múmkin. Eki ushaqtyń arasynda ushý ýaqytynyń aralyǵy kem degende 2 mınýt bolýy tıis.

Brıfıng barysynda «Bek Air» kompanııasynyń basshysy Nurlan Jumasultanov kompanııa atynan apatta qaza bolǵandardyń otbasylaryna kóńil aıtty.