Beijing Daily: Qazaqstan – qytaılyq týrıster úshin jańa baǵyt

<p>Beıjińdegi eń taralymy kóp &laquo;Beijing Daily&raquo; gazeti 19-y kúni Qytaı men Qazaqstan arasyndaǵy týrızm salasynyń damyp kele jatqany týraly maqala jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform. </a></p>

Maqalada qazaqstandyq «Eır Astana» áýe kompanııasynyń Qytaı-Qazaqstan arasyndaǵy tikeleı reıs ótkizý múmkindiginiń turaqty túrde artqanyn jazǵan. Qazirgi ýaqytta Beıjiń, Astana jáne Almaty arasynda eki jaqqa tikeleı reıster bar. Bul rette Úrimjiden Astana men Almatyǵa qatynaıtyn baǵyttar da jaqyn arada tolyq qalpyna keltirilmek. 

«Beijing Daily» gazeti Qazaqstannyń eki el arasyndaǵy azamattyq avıatsııa baǵyttaryn qalpyna keltirýdi belsendi túrde ilgeriletýi bul eldiń Qytaıdyń týrıstik áleýetine optımıstik kózqaraspen qaraıtynyn jáne osylaısha týrızm ındýstrııasynda kórshiles elmen baılanysyn nyǵaıtýǵa úmittenetinin kórsetedi dep atap kórsetti. 

Avtor «Bir beldeý, bir jol» bastamasyna eń belsendi qatysýshy elder retinde Qazaqstan men Qytaıdyń ártúrli salalardaǵy yntymaqtastyǵy tyǵyz damyp kele jatqanyna toqtalǵan. Sonymen qatar eki el arasyndaǵy vızasyz rejımniń júzege asyrylýy arqyly Qazaqstan qytaılyq týrıster úshin shetelge saıahattaýdyń mańyzdy tańdaýlarynyń birine aınalady dep boljanyp otyr. 

Aıta keteıik, «Beijing Daily» – Qytaı Halyq Respýblıkasynyń Beıjiń qalasyndaǵy kúndelikti shyǵatyn aımaqtyq basylym. 1952 jyly 1 qazanda qurylǵan jáne eń kóp taralymy bar jergilikti gazet.