Beeline Qazaqstan aýmaǵynda kórsetiletin reseılik arnalardy óshirmeıtin boldy
Buǵan deıin BAQ-ta «Beeline» kompanııasynyń Qazaqstan aýmaǵynda kórsetiletin reseılik birneshe arnany óshiretini týraly aqparat taraǵan bolatyn. Keıin qaıtadan atalǵan arnalar kedergisiz jumys isteı beretini habarlandy. QazAqparat tilshisi sonyń anyq-qanyǵyn bilý úshin uıaly baılanys operatoryna habarlasyp kórdi.
«Internet paıdalanýshylardyń jastar segmenti oıyn-saýyq mazmundaǵy video-d-demand kontenttiń úlesi kóbeıetinin jaqsy qabyldaǵanymen, habar taratý torynda jańalyq arnalaryn qaldyrýdy suraǵan klıentter de boldy. Osyǵan baılanysty «Beeline Qazaqstan» paıdalanýshylarǵa arnalǵan qazirgi paketter quramyn ózgerissiz qaldyrý durys degen sheshim qabyldady. Al, oıyn-saýyq mazmunyna basymdyq beriletin jańartylǵan paketter 11 qazanda jáne odan keıin qosylýǵa ótinish bergenderge usynylmaq. Biz burynǵydaı óz aýdıtorııamyzdyń qalaýyna únemi zertteýler júrgizip, sáıkesinshe usynysymyzdyń quramyna túzetýler engizip otyramyz», - dep túsindirdi kompanııanyń baspasóz qyzmeti.