BDU kúızeliske ushyraǵandardyń kúrt artýyna alańdaýly

ASTANA. QazAqparat - Álemniń 300 mıllıonnan astam turǵyny depressııadan zardap shegedi. Bul psıhıkanyń buzylýy adamdy durys jumys isteý múmkindiginen aıyrady jáne ólimge ıtermeleıdi, dep habarlaıdy un.org .

Búkilálemdik densaýlyq saqtaý uıymy naýqastar sanynyń artyp kele jatqanyna alańdaýshylyq bildirdi. 2005 jyldan 2015 jylǵa deıin álemde depressııa oqıǵasy 18 paıyzǵa kóbeıgen.

Kúızeliske shaldyqqandar álemniń barlyq aımaǵyna taralǵan. Belarýs halqynyń - 5,6 paıyzy jáne Ýkraınadaǵy turǵynnyń - 6,3 paıyzy depressııamen aýyrady.

Alaıda bul tek resmı derekter. Depressııaǵa ákep soǵatyn stıgmatızatsııadan adamdar naýqas syrqattaryn moıyndamaıdy jáne emdelýge tyryspaıdy. Depressııa ózgelerden kóńil-kúıdiń aýytqýshylyǵymen erekshelenedi. Adam eki apta nemese odan da uzaqqa sozylatyn aýyr muń jeteginde júredi, ol jumysta, oqýda nemese úıdegi jumys isteý qabiletine yqpal etedi.

Psıhoáleýmettik kómek pen dári-dármek - emdelýdiń tıimdi joldary bolyp tabylady. Emdelýdiń eń alǵashqy qadamy - depressııanyń bar ekenin moıyndap, kómekke júginý.

Dárigerler kúızelistiń áleýmettik, psıhologııalyq jáne bıologııalyq faktorlardyń ózara áserinen týyndaıtynyn atap ótýde. Bosanǵan áıelderdiń 20 paıyzy bosanýdan keıingi depressııaǵa ushyraıdy. Odan bólek, ekonomıkalyq daǵdarys, jumyssyzdyq, apatty jaıttar men shıelenis faktorlary da halyq arasyndaǵy depressııanyń kóbeıýine ákep soǵady.