Bazalyq zeınetaqy mólsheri aldaǵy 5 jyl boıy birtindep ósedi
«Zeınetaqy jáne áleýmettik saqtandyrý júıeleriniń mindettiligi jeke menshik saqtandyrý kompanııalarynda tómen deńgeıde. Bul rette ózin-ózi jumyspen qamtyǵandar ǵana emes, jaldamaly jumyskerlerdiń belgili bir bóligi de qamtylmaǵan kúıinde qalyp otyr.
Eger kiristiń joǵarǵy shekterin eskermesek, onda zeınetaqy jarnalary men áleýmettik aýdarymdar aýdarylatyn kiristerdiń deńgeıleri de ár túrli bolady. Zeınetaqy jarnalarynyń ortasha tabysy ekonomıka boıynsha ortasha aılyq jalaqydan 20%-ǵa tómen.
Іri jumys berýshiler men zııandy óndiristerdiń qyzmetkerleri joǵary saqtandyrý tarıfterine, ómirdi saqtandyrý kompanııalarynan tólenetin tólemderdiń tómen mólsherine jáne saqtandyrý kompanııalary qyzmetiniń ashyqtyǵyna nazar aýdarady. Shara qoldanbaý bolashaqta júıeniń senimi men qarjylyq turaqtylyǵy máselelerine ákelýi múmkin», – dedi Tamara Dúısenova vedomstvonyń keńeıtilgen alqa májilisinde.
Mınıstr zeınetaqy men saqtandyrý tólemderiniń mólsherin Biryńǵaı jınaqtaýshy zeınetaqy júıesine qatysý ótiline baılanysty kezeń-kezeńimen ulǵaıtý jalǵasatynyn aıtty.
«Zeınetaqy júıesine Memleket basshysynyń tapsyrmasy boıynsha engizilgen ózgerister azamattarǵa burynǵy tabystarynyń keminde 40% mólsherinde zeınetaqymen qamtamasyz etýge múmkindik beredi. Ósim eń aldymen bazalyq zeınetaqynyń eń tómengi mólsherin alatyn zeınetkerlerden bastalady. 2023 jyly zeınetkerlerdiń osy sanaty úshin tek bazalyq zeınetaqy mólsheri 21%-ǵa deıin kóterildi. Kezeń-kezeńmen ósý 5 jyl ishinde, ıaǵnı 2023 jyldan 2027 jylǵa deıin júrgiziledi. Bul ótken jylǵy ınflıatsııany jáne onyń keıingi jyldarǵa arnalǵan boljamdy dálizin jabýǵa múmkindik beredi», - dedi Tamara Dúısenova.
Dál osyndaı jumys áleýmettik saqtandyrý júıesinde júrgizilmek.
«Bıyl jumysynan aıyrylýyna baılanysty beriletin áleýmettik tólemder mólsheri joǵaltqan tabystyń 45%-na deıin jetkiziledi», – dedi védomstvo basshysy.