Ulttyq bank bazalyq mólsherlemeni nege 25 bazıstik tarmaqqa ǵana túsirdi
Tımýr Súleımenovtiń aıtýynsha, eldegi ınflıatsııaǵa áser etetin syrtqy jáne ishki faktorlar aqsha-kredıt saıasatyn áli de qatań kúıinde ustaýǵa májbúrlep otyr. Olaı bolmasa, ınflıatsııa dálizin 5 paıyzǵa deıin tómendetýge baǵyttalǵan túpki maqsatqa jetý qıyndap ketýi múmkin.
«Inflıatsııa baıaýlap keledi – 8,5 bolǵan edi, qazir 8,4 paıyz. Bizdiń ınflıatsııaǵa baılanysty target saıasatymyz – 5 paıyz. ıAǵnı, 8,4 paıyzdan 5 paıyzǵa deıin jetý úshin talaı joldan ótýimiz kerek. Sondyqtan qazirgideı jaǵdaıda aqsha-kredıt saıasatyn bosańsytýǵa áli erte. Áıtpese, birazǵa deıin 8 paıyz nemese «8+» dálizinde tejelip qalýymyz múmkin», - dedi Ulttyq bank basshysy.
Tımýr Súleımenov Qazaqstandaǵy ınflıatsııanyń ekonomıkaǵa da qater tóndirmeıtin, qarapaıym halyqtyń qaltasyna da meılinshe az salmaq túsiretin mólsheri 5 paıyz ekenin aıtady. Sondaı-aq, ol tamyz aıynda bazalyq mólsherleme qalaı ózgeretinin qazir boljaý qıyn deıdi.
«Árıne, bazalyq mólsherleme taǵy tómendeýi múmkin. Biraq sheshimdi qabyldaǵan kezde bizge ishki, syrtqy, ár túrli faktorlardy esepke alý kerek. Qalaı bolatyny áli de belgisiz. Ózderińiz kórip otyrsyzdar, qazir teńgeniń baǵamy azdap álsireı tústi. Búgingi sheshim naqty faktorlarǵa negizdelgen, durys sheshim», - dedi Ulttyq bank tóraǵasy.
Ol dollardyń baǵamy qashan túsedi degen suraqqa da jaýap berdi.
«Biz jyldy 455 teńge shamasynda bastaǵan bolatynbyz. Keıin Ulttyq bankten bólingen qosymsha transfertterdiń áserinen teńge nyǵaıdy – 440-qa deıin bardy. Keıin ol belgili bir ýaqytqa 480 teńge deńgeıinde boldy. Bizdiń áleýmettik-ekonomıkalyq damý boljamymyzda da, bıýdjette de dollar baǵamy 460 teńge bolyp belgilengen. Qazir baǵam shamamen 474 teńge bolyp tur. Birinshi jarty jyldyqta Qarjy mınıstrliginiń salyq túsimi oryndalmaǵandyqtan Ulttyq bankten alynatyn jyldyq transfertti alǵa jyljytyp, kóbirek dollar satýǵa týra keldi. Búgingi tańda jyldyq transferttiń 80 paıyzǵa jýyǵyn sattyq. Ulttyq bankten transfert alǵanda valıýtany ishki naryqqa satamyz. Naryqta dollardyń usynysy artqanda baǵam tómendeıdi. Alǵashqy jarty jyldyqta teńgeniń nyǵaıýyna osy áser etti. Basqa irgeli faktor bolǵan joq. Al ári qaraı Ulttyq qordan dollardy kóbirek satý máselesine kelsek, bul suraqty Qarjy mınıstrligi men Ulttyq ekonomıka mınıstrligine baǵyttaý kerek. Jarty jylda jyldyq transferttiń 80 paıyzy satylyp ketkenin eskersek, Úkimet qandaı da bir qosymsha transfert usynýy ábden múmkin», - dedi Tımýr Súleımenov.