Bazalyq mólsherleme ne sebepti tómendetilmedi
Onyń aıtýynsha, byltyr jyldyq ınflıatsııa 8,6%-ke jetken. Oǵan qyzmetter men azyq-túlikke jatpaıtyn taýarlar kóptep úles qosqan. Azyq-túlik ınflıatsııasy bir jylda turaqty bolǵanymen, sońǵy eki aıda údeı bastaǵan.
— 2024 jylǵy jeltoqsanda azyq-túlik taýarlarynyń baǵasy 5,5% ósti. Azyq-túlikke jatpaıtyn taýarlar baǵasynyń ósýi 8,3%-ke deıin jedeldedi. Aqyly qyzmetter ınflıatsııasy 13,3% deńgeıinde turaqtandy.
Al retteletin kommýnaldyq qyzmetterdiń baǵasy jyldyq kórsetkishte 21,1%-ke ósip, naryqtyq qyzmetter ınflıatsııasy 11,5% boldy, - dedi ol.
Sondaı-aq, UB basshysy ótken jylǵy jeltoqsanda aılyq ınflıatsııa 0,9% belgisinde turaqtanyp, ortasha tarıhı kórsetkishterden joǵary qalyptasqanyn atap ótti.
— Bazalyq jáne maýsymdyq faktorlardan tazartylǵan ınflıatsııanyń kórsetkishteri de jedeldep, shildedegi eń joǵary mánderge jetti. Jaz kezindegi kórsetkishke qaraǵanda qazirgi ósim servıstik komponentpen qatar azyq-túlik taýarlary men azyq-túlikke jatpaıtyn taýarlar baǵasynyń tez ósýine baılanysty. Komponentter bóliginde ishki suranystyń usynys múmkindiginen de asyp túsýine qaraı ınflıatsııalyq qysym artyp keledi, - dedi Tımýr Muratuly.
Sondaı-aq ol halyq pen sarapshylardyń ınflıatsııaǵa boljamy da osy ustanymnyń durystyǵyn kórsetetin atap ótti.
— Teńge baǵamynyń álsireýi aıasynda halyqtyń ınflıatsııalyq kútýleri jeltoqsanda 14,6%-ke deıin kóterildi. Qarjy naryǵynyń kásibı qatysýshylary óz baǵalaýlarynda ustamdylyqty saqtaıdy. Sońǵy saýalnamaǵa sáıkes naryq qatysýshylary ınflıatsııany 2025 jyldyń sońyna qaraı 7,5% deńgeıinde boljaıdy. Bul aldyńǵy baǵalaýdan 6,9% joǵary. Sarapshylar men halyqtyń pessımıstik baǵalaýy jáne ınflıatsııanyń turaqsyz baıaý qarqyny ortamerzimdi keleshekte ustamdy qatań aqsha-kredıt sharttaryn odan ári ustap turý qajet ekenin kórsetedi, - dep túıdi sózin UB basshysy.
Aıta keteıik, buǵan deıin Ulttyq bank jańa bazalyq mólshermeleni belgilegenin jazǵan edik.