Baızaq aýdanynda astan ýlanǵan oqýshylarǵa baılanysty is boıynsha tergeý júrip jatyr - prokýratýra

<p>2023 jyldyń 7 qarashasynda Jambyl oblysy Baızaq aýdanynyń ortalyq aýrýhanasynyń ınfektsııalyq bóliminie Sarykemer aýylyna qarasty N.Kıikbaev atyndaǵy mektep-gımnazııasynyń 46 oqýshysy men 2 muǵalimi tústi. Olar tamaqtan ýlanǵan bolýy múmkin.</p>

Bul týraly Kazinform Jambyl oblysynyń prokýratýrasynyń baspasóz qyzmetine silteme jasap habarlaıdy.

Baspasóz qyzmetiniń málimetterine qaraǵanda, qazirgi ýaqytta tekserý nátıjeleri boıynsha 35 adam aýrýhanaǵa jatqyzyldy (33 oqýshy jáne 2 muǵalim).

Sonymen qatar sanıtarlyq-epıdemıologııalyq qyzmet tıisti tekserý taǵaıyndady.

Atalǵan jaıt Baızaq aýdandyq polıtsııa bólimi QK-tiń 304-babynyń 1-bóligi boıynsha (canıtarııalyq qaǵıdalardy nemese gıgıenalyq normatıvterdi buzý) sotqa deıingi tergeýdiń biryńǵaı tizilimine tirkelip, is aıasynda qajetti tergep-tekserý sharalary júrgizilýde.

Qylmystyq istiń tergelýi oblys prokýratýrasynyń baqylaýynda.

QPK 201-babynyń talaptaryna sáıkes basqa málimetter jarııalanýǵa jatpaıdy.

Buǵan deıin Jambylda 46 bala men 2 eresek adam mektep ashanasyndaǵy tamaqtan ýlanǵanyn habarlaǵan bolatynbyz.

Sondaı-aq ýlanǵan oqýshylarǵa as ázirlegen jeke kásipker 82 mektepke qyzmet kórsetkeni anyqtaldy.