«Báıterek» ulttyq holdınginde basqarma quramy ózgerdi

<p>ASTANA. KAZINFORM — «Báıterek» ulttyq holdıngi dırektorlar keńesiniń 28 mamyrdaǵy sheshimimen holdıng basqarmasynyń quramyna Jandos Shaıhy men Tımýr Ońjanov saılandy. Bul týraly Qazaqstan qor bırjasy (KASE) habarlady.</p>

Osylaısha quramdyq ózgeristerge sáıkes «Báıterek» UBH AQ basqarmasy 7 adamnan turady.

Onyń qatarynda Rýstam Qaraǵoıshın, Nurbolat Aıdapkelov, Ersaıyn Hamıtov, Úsen Ǵalym jáne Vıacheslav Son bar. 

Jandos Shaıhy 1982 jyly týǵan, Almatydaǵy KIMEP ýnıversıtetin «iskerlik ákimshilik jáne býhgalterlik esep» mamandyǵy boıynsha bitirgen. 

2013 jyldan 2024 jyldyń sáýirine deıin «Sıtıbank Qazaqstan» AQ Astanadaǵy fılıalynyń dırektory bolyp jumys istedi. 

Osy qyzmetke taǵaıyndalǵanǵa deıin «Báıterek» basqarma tóraǵasynyń orynbasary bolǵan.

Jobalarmen jumys jáne aktıvterdi basqarý máselelerine jetekshilik etedi.

Tımýr Ońjanov 1996 jyldan bastap shetelde turyp, Shveıtsarııada «ekonomıka jáne bıznes ákimshilendirý» mamandyǵy boıynsha oqydy.

Germanııada jumys istedi, halyqaralyq bank úshin sheteldik klıentterdi tartýmen aınalysty.

2016 jyly Qazaqstanǵa oralyp, AHQO-da jumys isteı bastady, aldymen aktıvter departamentinde, keıin basqarýshy dırektor, halyqaralyq baǵdarlamalar departamentiniń basshysy boldy.