«Báıterek» holdınginiń qurylymyn damytý strategııasy ońtaılandyrylyp, túzetý engizildi

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen ótken «Báıterek» ulttyq basqarýshy holdıngi» AQ dırektorlar keńesiniń otyrysynda Holdıngtiń damý strategııasy men qurylymyn ońtaılandyrý máseleleri qaraldy.

Bul týraly QazAqparat Úkimettiń baspasóz qyzmetine silteme jasap habarlaıdy.

«Báıterek» holdınginiń 2024 jylǵa deıingi túzetilgen Damý strategııasynyń jobasy bekitildi, oǵan qyzmettiń jańa baǵyty – agroónerkásiptik keshendi damytý engizildi. Strategııada Biryńǵaı turǵyn úı qurylysy operatoryn qurý jáne Qazaqstannyń turǵyn úı qurylys jınaq bankin «Otbasy bank» AQ etip qaıta qurý bóliginde Holdıngtiń turǵyn úı blogy qaıta qaraldy. Іri, shaǵyn jáne orta bıznesti qarjylyq qoldaý jáne eksporttyq áleýetin damytý quraldary keńeıtildi, Holdıngtiń proaktıvti róli men klıentke baǵdarlanýy kúsheıtildi.

Otyrysta sondaı-aq 2020 jylǵy jyldyq qarjylyq eseptilik, korporatıvtik basqarýdy jetildirý jónindegi is-sharalar jospary, táýekelderdi basqarý jáne Holdıngtiń ishki baqylaý máseleleri qaraldy.