«Báıterek» holdıngi janynan Turǵyn úı qurylysyna kepildik berý qory qurylady
Zań jobasy boıynsha turǵyn úı qurylysyna qatysýdyń jańa tásilderi qalyptasatyn bolady. Sonyń aıasynda Turǵyn úı qurylysyna kepildik berý qoryn qurý qarastyrylady. Atalǵan kepildik berý Qory turǵyn úı ǵımaratynyń qurylysyn aıaqtaýǵa, úleskerler turǵyn úı ǵımaratyndaǵy úlesti berýge kepildik berýdi júzege asyrady, onyń jarǵylyq kapıtalyna memleket qatysyp, Úkimet sheshimi boıynsha aktsıonerlik qoǵamnyń uıymdyq-quqyqtyq nysanynda qurylatyn kommertsııalyq emes uıym bolyp tabylady. Sonymen qatar kepildik berý qory qarjylyq turatylyq pen tájirıbeniń bolýy boıynsha úlestik qurylysqa qatysýshylardyń biliktilik talaptaryn bekitedi. Úleskerler qarajatynyń nysanaly paıdalanylýyna baqylaý jasaý tetigin engizedi.
«Kepildik berý qory boıynsha qurylys salýshy jáne ýákiletti kompanııa arasyndaǵy kepildik sharty úleskerlerdiń qarajatyn tartýǵa negizdeme bolady. Ýákiletti kompanııa turǵyn úı ǵımaraty boıynsha óz mindettemelerin oryndamaǵan jaǵdaıda «Báıterek» holdıngi janyna qurylatyn Turǵyn úı qurylysynyń kepildik berý qory úleskerlerge qurylysty aıaqtaýǵa jáne páterlerin berýge kepildik beretin bolady», - dedi Ulttyq ekonomıka vıtse-mınıstri Marat Qusaıynov.