«Báıterek» holdıngi tóraǵasynyń orynbasary EQDB-nyń genderlik teńdik nagradasymen marapattaldy

ASTANA. QazAqparat - Eýropa qaıta qurý jáne damý bankiniń basshysy Sýma Chakrabartı «Báıterek» holdıngi Basqarma tóraǵasynyń orynbasary Lázzat Ibragımovany genderlik teńdikti ilgeriletkeni úshin nagradamen marapattady, dep habarlaıdy holdıng baspasóz qyzmeti.

Sondaı-aq, EQQDB basshysy Lázzat Ibragımova «áıelder basqaryp otyrǵan shaǵyn jáne orta kásiporyndardy qarjylandyrýǵa birdeı múmkindik berý esebinen genderlik teńdikti damytý isinde Qazaqstandaǵy eń mańyzdy tulǵalardyń biri» dep atap ótti.

«Báıterek» holdıngi Basqarma tóraǵasynyń orynbasary EQQDB basshylyǵyna nagrada úshin alǵysyn jetkizip, banktiń Qazaqstanda júzege asyrylyp jatqan baǵdarlamalardyń mańyzdylyǵyna toqtaldy.

«Memleket basshysy Nursultan Nazarbaev áıelder bıznesiniń mańyzdylyǵyna qashanda erekshe kóńil bóledi, sońǵy ýaqytta otbasy bıznesin damytý týraly aıtyp júr. Biz jekeshe kommertsııalyq bankter arqyly iske asyryp jatqan «Bıznestegi áıelder» baǵdarlamasy qazaqstandyq áıelder bıznesiniń tabysty damýynyń mysaldaryn kórsetedi», - dedi Lázzat Ibragımova.