Báıterek holdıngi tabysynyń úshten birin dıvıdend tóleýge baǵyttaıdy

NUR-SULTAN. QazAqparat – «Báıterek» holdıngine taza tabysynyń úshten bir bóligin dıvıdend tóleýge jumsaý mindetteldi. Bul týraly Úkimettiń tısti qaýlysy jarııalandy, dep habarlaıdy QazAqparat tilshisi.

«Aktsııalarynyń júz paıyzy respýblıkalyq menshiktegi «Báıterek» ulttyq basqarýshy holdıngi» aktsıonerlik qoǵamy 2021 jyldyń qorytyndysy boıynsha shoǵyrlandyrylǵan jyldyq qarjylyq eseptilikte kórsetilgen taza kiristiń 29,8 paıyzyn aktsııalardyń memlekettik paketine dıvıdendter tóleýge baǵyttaıdy», - delingen Úkimet basshysy qol qoıǵan qujatta .

Qaýly alǵashqy resmı jarııalanǵan kúninen bastap qoldanysqa engiziledi.

Qosa ketsek, bul ýaqytqa deıin «Báıterek» holdıngi enshiles uıymdardyń sanyn qysqartqanyn habarlaǵan bolatynbyz.