«Báıterek» holdıngi men Lesha Bank Bereke Bank-ti satýǵa qatysty mámileni aıaqtady

<p>ASTANA. KAZINFORM - &laquo;Báıterek&raquo; ulttyq basqarýshy holdıngi &laquo; AQ jáne Lesha Bank LLC &laquo;Bereke Bank&raquo; AQ-nyń 100% aktsııalaryn satý mámilesiniń aıaqtalǵanyn habarlady. Kelisimniń barlyq sharttary taraptarmen kelisilgen.</p>

Mámileni qazaqstandyq retteýshiler barlyq turǵydan maquldady. Onyń ishinde tamyz aıynda Qarjy naryǵyn retteý jáne damytý agenttigi Lesha Bank-tiń banktik holdıng mártebesin alýyna kelisimin jáne Bereke Bank-ti satyp alýǵa ruqsatyn berdi.

«Bereke Bank» AQ Qazaqstannyń iri bankteriniń qataryna jatady jáne klıentter aldyndaǵy barlyq mindettemelerin oryndaýdy jalǵastyrady. Bank qazirgi klıentteri úshin ónimder boıynsha aǵymdaǵy sharttardy saqtaıdy jáne óz qyzmetin kommertsııalyq ámbebap bank mártebesinde jalǵastyrady. Qazirgi ýaqytta bank kapıtaldyń jetkiliktiligi men ótimdiligi boıynsha belgilengen normatıvterdi saqtaı otyryp, turaqty ósimdi kórsetip otyr. Aktsıoner aýysqannan keıin banktiń naryqtaǵy pozıtsııasy odan ári nyǵaıtylmaqshy», - delingen «Báıterek» UBH habarlamasynda.

Jańa aktsıonerdiń kelýimen ekinshi deńgeıdegi bankter arasynda básekelestiktiń kúsheıýi, jańa tehnologııalardy engizý jáne ekonomıkanyń naqty sektoryna kredıt berýdi damytý josparlanǵan.

«Báıterek» holdıngi banktiń jumysyn qalypqa keltirý jáne strategııalyq ınvestordy tartý úshin jaǵdaı jasaý mindetin qoıǵan. Bul mámileniń aıaqtalýy Qazaqstannyń qarjy sektory úshin mańyzdy oqıǵa bolyp tabylady. Lesha Bank Katar qor bırjasynda (QSE: QFBQ) tirkelgen jáne bank operatsııalaryn júrgizýge Qatar Financial Center Regulatory Authority lıtsenzııasy bar. Bank ınvestıtsııalyq bankıng jáne aktıvterdi basqarý salasynda jumys isteıdi, Katar, AQSh, Eýropa naryqtarynda, sondaı-aq Taıaý Shyǵys aımaǵynda óz qyzmetterin usynady. «Bereke Bank» AQ-ny satyp alý Qazaqstan men Katar arasyndaǵy ekonomıkalyq yntymaqtastyqty nyǵaıtatyn mańyzdy qadam bolyp tabylady. Bul Katardyń Qazaqstan Respýblıkasyna uzaq ınvestıtsııa salý nıetin dáleldep otyr», - dep jazylǵan habarlamada.

Aıta keteıik, «Báıterek» holdıngi basqarma tóraǵasynyń birinshi orynbasary Nurbolat Aıdapkelov Bereke Bank-ti satý sharty elimiz úshin qanshalyqty tıimdi boldy degen suraqqa jaýap berdi.

Qatarlyq Lesha Bank «Báıterek» ulttyq basqarýshy holdınginen Bereke Bank-ti satyp aldy.

Bereke Bank 100 mlrd teńgege oblıgatsııa shyǵarady.

Bereke Bank-ti satýdan túsken qarajat Ulttyq qorǵa baǵyttalady.

Qatarlyqtar Bereke Bank-ten basqa qaı salalarǵa ınvestıtsııa salyp jatyr.