«Báıterek» holdıngi Abaı kúnin atap ótti

<p>ASTANA. KAZINFORM &ndash; &laquo;Báıterek&raquo; ulttyq basqarýshy holdıngi&raquo; AQ enshiles uıymdarmen birlesip, oıshyl, ǵalym, kompozıtor, qazaq halqynyń uly aqyny Abaı Qunanbaıulynyń shyǵarmashylyǵyna arnalǵan &laquo;Abaı álemi&raquo; atty kesh ótkizdi.</p>

Іs-sharaǵa Qazaqstannyń eńbek sińirgen qaıratkeri, Qurmet ordeniniń, Memlekettik syılyqtyń ıegeri, opera ánshisi Súndet Baıǵojın, halyqaralyq konkýrstardyń laýreaty, opera ánshisi Ashat Bólebaı jáne «Báıterek» UBH» AQ-nyń enshiles uıymdary jáne olardyń respýblıka óńirlerindegi fılıaldarynyń ókilderi qatysyp, óner kórsetti. 

Foto: «Báıterek» ulttyq basqarýshy holdıngi

Keshti «Báıterek» holdınginiń Basqarma tóraǵasy Rýstam Qaraǵoıshın alǵy sózimen jáne Abaı óleńimen bastady. 

Foto: «Báıterek» ulttyq basqarýshy holdıngi

«Abaı Qunanbaıuly – danyshpan aqyn, oıshyl, qazaq ádebıetiniń shoqtyǵy bıik iri tulǵasy. Abaı̆ murasy – halqymyzdyń rýhanııatyn álemge tanytatyn teńdesi joq baılyq. Onyń ádildik, adaldyq, adamgershilik ıdeıalaryna negizdelgen taǵylymy mol shyǵarmashylyǵy – qazaq ádebıetiniń jaýhary. Ulttyq kompanııalarda Abaı kúniniń atap ótilýi aqynnyń shyǵarmashylyǵyna degen qurmetimizdiń belgisi», - dep atap ótti holdıng basshysy.

Ádebı keshke Qazaqstan Respýblıkasynyń Ǵylym jáne joǵary bilim mınıstrligi Til saıasaty komıtetiniń Basqarma basshysy Qaıyrjan Rahymjanov arnaıy shaqyrtylyp, qazaq tili men ádebıetindegi Abaı týyndylarynyń mańyzyna toqtaldy.

Kesh barysynda Holdıng tobynyń qyzmetkerleri Abaıdyń túrli taqyryptaǵy óleńderi men qara sózin oqyp, ánderin shyrqap, kúıin oınap, jıylǵan jurtty ónerlerimen tamsandyrdy. Sonymen qatar, Holdıngtiń enshiles uıymy «Damý kásipkerlikti damytý qory» AQ Abaı oblysy fılıalynyń qyzmetkerleri Abaıdyń aýyly Jıdebaıǵa arnaıy baryp, aqynnyń rýhyna taǵzym etti.