Báıterek Dúnıejúzilik aýtızm týraly aqparat taratý kúnine oraı kók túske boıaldy

<p>ASTANA. KAZINFORM &ndash; Dúnıejúzilik aýtızm týraly aqparat taratý kúninde &laquo;Bolashaq&raquo; qory &laquo;Báıterek&raquo; monýmentin kók túspen jaryqtandyrýdy uıǵardy. Kók - aýtızmniń túsi bolyp sanalady.</p>

Resmı málimet boıynsha, Astanada aýtızm dıagnozy qoıylǵan 3 479 bala bar.

AQSh-tyń Aýrýlardy baqylaý jáne aldyn alý ortalyǵynyń málimetinshe, jer betindegi árbir 36-shy bala aýtızm dıagnozymen aýyrady.

Búkilálemdik aýtızm máselesi týraly aqparat taratý kúni BUU Bas Assambleıasynyń 2007 jylǵy jeltoqsannyń 18-indegi arnaıy qararymen bekitilgen. 2008 jyldan bastap jyl saıyn sáýirdiń 2-sinde atalyp ótedi.

Bul Búkilálemdik kún Qatar memleketiniń usynysy boıynsha belgilendi, muny Birikken Ulttar Uıymynyń Bas Hatshysy 2008 jylǵy joldaýynda atap ótti. Bas Assambleıanyń qararynda, eń aldymen balalardyń aýtızm máselesine kóńil bólindi, sondaı-aq dıagnozdy neǵurlym erte qoıý jáne tıisti tekserý júrgizý atap kórsetilgen.

Aıta keteıik, Qazaqstanda aýtızm dıagnozy qoıylǵan 12 myńnan astam bala bar ekenin jazǵan bolatynbyz.

Integratıvti kózqarasy bar balalar nevropatology Ásııa Mojaq aýtızmdi jeńýge bolatynyn aıtty.