Baılyq salyǵyn engizýde EO elderi men AQSh-tyń mysalyn zerttep jatyrmyz – Álibek Qýantyrov

NUR-SULTAN. QazAqparat – Baılyq salyǵyn engizýde Eýropalyq Odaq elderi men AQSh-tyń mysaly zerttelip jatyr. Bul týraly Úkimet kýlýarynda QR Ulttyq ekonomıka mınıstri Álibek Qýantyrov málim etti.

«Baılyq salyǵyn engizý boıynsha birneshe eldiń tájirıbesi bar. Biz onyń bárin qarastyryp jatyrmyz. Frantsııa bar, mysaly. Odan keıin Eýropalyq Odaqqa múshe birneshe eldiń mysaly bar. Sondaı-aq, AQSh-tyń tájirıbesi bar. Basqa da mysaldar bar. Onyń bárin qarastyramyz»,- dedi mınıstr.

Sondaı-aq, ol baılyq salyǵy engizilse de, aýqattylar múligin ózgeniń atyna jazǵyza qoımaıdy degen boljam aıtty.

«Men olaı bolady dep oılamaımyn. Óıtkeni baılyq salyǵy jeke ıahta, jeke ushaq sııaqty dúnıelerge salynady. Óte iri somaǵa múlik satyp alǵandarǵa qatysty. Ondaı azamattar sonshalyq kóp emes qoı», - dep jaýap berdi vedomstvo basshysy.

Foto: t.me/KZgovernment