«Baılyq salyǵy» progressıvtik shkala qaǵıdatymen jumys isteý kerek - sarapshy
QR Prezıdenti janyndaǵy Memlekettik basqarý akademııasy Basqarý ınstıtýtynyń dırektory Qýat Ákejanov sarapshylar keńesinde osyndaı pikir bildirdi, dep habarlaıdy QazAqparat tilshisi.
«Keıingi 60 jylda damyǵan elderdiń bárinde alym-salyqtyń progerssıvtik shkalasy jaqsy nátıje kórsetti. Al bizde áli birkelki shkala qoldanylyp keledi. ıAǵnı, bizde bári tabystyń 10 paıyzyn ǵana salyqa tóleıdi. 150 myń teńge aılyq alatyn adam da, 5 mln teńge aılyǵy bar adam da 10 paıyz salyq tóleıdi. Baılyq salyǵy degende dál osy progerssıvtik shkala iske qosylsa, «estıtin memleket» qaǵıdatyna saı sheshim bolar edi», - dedi ol Ortalyq kommýnıkatsııalar qyzmetinde.
Sarapshy Joldaýda aıtylǵan jańa ekonomıkalyq saıasattyń iske asýyna sarapshylar qaýymy da belsendi atsalysý kerektigin atap ótti.
«Joldaý sarapshylar qaýymyna qaýqarly sıgnal berdi dep oılaımyn. Biz neǵurlym kóp balama sheshimder usynýymyz kerek. Ásirese ekonomıka saıasaty «jańa saıasat» degen atyna saı bolýy úshin bas qatyrýymyz qajet. Áýeli óz aramyzda ekonomıkalyq turǵyda jańasha oılaý uǵymynyń mánin túsinip alýymyz qajet. Keıingi 20 jylda bizdiń joǵary oqý oryndarynda qarjy-ekonomıka baǵytyndaǵy magıstranttar men doktoranttardy alsaq ta, «mıyn shaıý» beleń aldy», - dedi Qýat Ákejanov.