Baılanys ortalyǵynan salyq qupııasyn quraıtyn málimetterdi alýǵa bolady
Vedomstvonyń dereginshe, Baılanys ortalyǵyna 149 salyq tóleýshi qońyraý shalyp, jeke basyn sáıkestendirý arqyly salyq qupııasyn quraıtyn málimetterdi aldy. Eń kóp qońyraý shalǵandar Nur-Sultan qalasynan (39) jáne Aqtóbe oblysynan (17).
« 2022 jylǵy 5 shildeden bastap salyq tóleýshiler MKK Baılanys ortalyqtaryna júgingen kezde operatorlar abonentti MKK aqparattyq júıesi arqyly sáıkestendirip, salyq qupııasyn quraıtyn málimetterdi usynýda. Abonentti sáıkestendirý úshin operator salyq tóleýshiniń uıaly telefonyna tekserý kodyn jiberedi. Tekserý kody men abonenttiń uıaly telefon nómiri sáıkes kelgen jaǵdaıda, operator jyljymaıtyn múlik meken-jaıy, kólik quralynyń VIN-kody jáne qozǵaltqysh kólemi, jeke kásipker nemese zańdy tulǵanyń ornalasqan meken-jaıy jáne t. b. aqparatty usynady», - dep jazdy komıtetten.
Zańdy tulǵalardyń málimetteri boıynsha aqparat berý basshy, bıýdjetpen jumys jónindegi jaýapty qyzmetker, ýákiletti tulǵa nemese zańdy tulǵanyń quryltaıshysy ótinish jasaǵan jaǵdaıda, MKK aqparattyq júıelerinde osyndaı tulǵalar boıynsha derekter bolǵan kezde ǵana júrgiziledi.
Zańdy tulǵalardyń basshylaryna qosylǵan qun salyǵyn tóleýshisi retinde tirkelýi týraly aqparat, kásipkerliktiń qaı sýbektisine jatatyny, quryltaıshylary, OKED kodtary týraly jáne t.b. aqparat usynylýy múmkin.
« Jeke basyn sáıkestendirý úshin mobıldi azamattar derekter qorynda tirkelgen mobıldi telefondar nómirleri qoldanylatynyn eskerý qajet. Mobıldi azamattar derekter qorynda tirkelýdi egov.kz portaly arqyly nemese «Azamattarǵa arnalǵan úkimet» Memlekettik korporatsııasyna (HQKO) habarlasyp jasaýǵa bolady», - dep tolyqtyrdy vedomstvodan.