Baılanys operatorlary 5G tehnologııasyn damytýǵa 450 mıllıard teńge ınvestıtsııa salady
«5G tehnologııasyn odan ári damytýǵa qatysty Ksell jáne Tele2-men Astana, Almaty, Shymkent qalalarynda jáne oblys ortalyqtarynda 5G-di damytý boıynsha jumystar jalǵasatyn bolady. Búgingi tańda 20 qalada 1 144 bazalyq stantsııa ornatylǵan. Memleket basshysynyń tapsyrmasyna sáıkes 5G uıaly baılanysyn engizý 2025 jyldyń sońyna deıin aıaqtalýy tıis», - dedi Jasulan Mádıev.
Mınıstrdiń aıtýynsha, 2027 jyldyń sońyna deıin baılanys operatorlarynyń salaǵa salatyn ınvestıtsııasynyń kólemi 450 mıllıard teńgeden asady.
«Qazirgi ýaqytta 3 684 aýylda optıka joq. Ulttyq joba aıasynda memlekettik-jekeshelik áriptestik tetigi arqyly 3 010 aýylǵa deıin optıkalyq baılanys jelisi jetkiziledi. «Sońǵy mıl» joq jerde shaǵyn jáne orta baılanys operatorlarynyń kúrdeli shyǵyndarynyń 50 paıyzyn sýbsıdııalaý tetigi paıdalanylatyn bolady. Osy jobalardyń qorytyndysynda 2,4 mln adamdy Internetke qoljetimdilikpen qamtamasyz etý kútiledi. Jobalar baılanys operatorlarynan 340 mlrd teńgeden astam kólemde jeke ınvestıtsııalar tartýdy kózdeıdi», - dedi ol.