Baıqońyrdyń 250 turǵyny qonys toıyn toılady
Baıqońyrda turatyn qazaqstandyqtarǵa páter kiltin Qyzylorda oblysynyń ákimi Qýanyshbek Ysqaqov tapsyrdy.
Aımaq basshysy quttyqtaý sózinde Baıqońyrda sońǵy 30 jylda alǵash ret 50 páterlik bes kópqabatty úı salynǵanyn atap ótti. Jalpy aýmaǵy – 15 700 sharshy metr. Qurylys jumystarynyń quny 2 mlrd 210 mln teńgeni quraǵan.
Kópqabatty bes úıdiń qurylysy ótken jyly «Nurly jer» baǵdarlamasy aıasynda bastalǵan. Bıylǵy qazan aıynda paıdalanýǵa berilip, qalanyń turǵyn úı-kommýnaldyq sharýashylyq salasyna tapsyryldy.
250 páterdiń 50-i «Baıqońyr» ǵarysh keshenindegi qazaqstandyq qurylymdarda jumys isteıtin mamandarǵa qyzmettik baspana retinde beriletin bolyp sheshildi. Qalǵan páterlerge kóp jyldan beri kezegin kútken turǵyndar jaıǵasady.
Baspanaly bolǵandardyń ishinde «Báıterek» qazaqstandyq-reseılik kásipornynyń qyzmetkeri Qorǵanbek Qaınazarov ta bar. Ol atalmysh kompanııada bólim bastyǵy bolyp eńbek etedi. Onyń aıtýynsha, bul qazaqstandyq zymyran keshenin qurý úshin tynbaı eńbektenip júrgen kásiporyn mamandaryn yntalandyra túsedi.