Baıqońyrdan ushyrylý keıinge shegerilgendikten ǵaryshkerler Máskeýge qaıtady

BAIQOŃYR. QazAqparat - Halyqaralyq ǵarysh stansasyndaǵy 49-50 ekspedıtsııa ekıpajy erteń Máskeýge oralady, dep habarlandy «Novostı kosmonavtıkı» saıtynda.

Eske sala keteıik, Reseıǵarysh ǵaryshkerleri Sergeı Ryjıkov, Andreı Borısenko, NASA astronavty Robert Sheın Kımbroýdan quralǵan negizgi ekıpaj, sonymen qatar olardyń dýblerleri - reseılik ǵaryshker  Aleksandr Mısýrkın, Nıkolaı Tıhonov pen NASA astronavty Mark Vande Haı 8 qyrkúıekten ǵarysh aılaǵynda ushyrý aldyndaǵy daıyndyqtyń sońǵy kezeńinen ótip jatyr.  

Senbi kúni, 17 qyrkúıekte Reseıǵarysh tehnıkalyq sebepterge baılanysty  «Soıýz MS-0»  kemesin ushyrtý merzimin shegeretinin jarııalady.

Reseı ǵarysh salasyndaǵy aqparat kózi habarlaǵandaı,  Baıqońyrdaǵy montajdy-synaý keshenindegi tekserý jumystary kezinde «Soıýz MS-02» kemesinde tuıyqtalý baıqaldy. Olqylyqty joıý úshin eń kemi bir-eki apta kerek, sondyqtan ǵaryshkerlerdi Máskeýge qaıtarý sheshimi qabyldandy.