Baıqońyrdan «Soıýz MS-08» kemesi ushyrylady
04:10, 05 Naýryz 2018
BAIQOŃYR. QazAqparat - Baıqońyr ǵarysh aılaǵyna Halyqaralyq ǵarysh stansysyna attanatyn kezekti ekspedıtsııanyń músheleri kelip jetti, dep habarlaıdy QazAqparat tilshisi.
5 naýryz kúni «Soıýz MS-08» kóliktik basqarylatyn kemesiniń negizgi jáne qosalqy músheleri ushyrylym aldyndaǵy daıarlyqqa kirisedi.
Negizgi ekıpajdyń quramynda keme komandıri, «Roskosmos» ǵaryshkeri Oleg Artemev; bortınjenerler, NASA astronavtary Endrıý Foıstel men Rıchard Arnold bar. Qosalqy quram: kosmonavt Alekseı Ovchının men NASA astronavty Nık Heıg.
Uzaqmerzimdi ekspedıtsııanyń «Soıýz MS-08» kemesimen Halyqaralyq ǵarysh stansysyna ushyrylymy 2018 jyldyń 21 naýryzyna belgilengen.