Baıqońyrdan «Soıýz-FG» zymyrany sátti ushyryldy

BAIQOŃYR. QazAqparat - Qazaqstannyń ǵarysh ekologtary Baıqońyr ǵarysh aılaǵynan «Soıýz-FG» tasymaldaýshy zymyrany shtattyq rejimde ushyrylǵanyn rastady, dep habarlaıdy QazAqparat tilshisi.

Zymyran orbıtaǵa «Soıýz MS-08» basqarylatyn kólik kemesin alyp shyqqan.

«Ǵarysh-Ekologııa» Ǵylymı zertteý ortalyǵy» respýblıkalyq memlekettik kásipornynyń jumys toby tasymaldaýshy zymyrannyń qosalqy bloktary túsken jerdiń geografııalyq koordınattaryn anyqtady. Olardyń barlyǵy burynnan belgilengen Qaraǵandy oblysynyń Ulytaý aýdanynda ornalasqan ıÝ-25 aımaǵyna (16, 49 qulaý aýdandary) qulady», - dep málimdedi kásiporynnyń dırektory Jaılaýbaı Jubatov.

«Ǵarysh-Ekologııa» ǴZO» RMK qyzmetkerleri «Soıýz-FG» qosalqy bloktary túsken jerdi ekologııalyq zertteý jumystaryn bastaǵan.