Baıqońyrdan reseılik «ıAmal-402» jerserigi ushyryldy
11:13, 09 Jeltoqsan 2012
ASTANA. 9 jeltoqsan. QazAqparat - Baıqońyr ǵarysh aılaǵynan «ıAmal-402» reseılik telekommýnıkatsııalyq ǵarysh apparatyn ushyrý esepti ýaqyttan tórt mınýtqa erte oryndaldy.
Bul týraly RosBıznesKonsaltıng RF Federaldy ǵarysh agenttiginiń baspasóz qyzmetine silteme jasap habarlady.
«Qazirgi ýaqytta ǵarysh apparatyn baqylaýǵa alyp, ony turaqtaý núktesine jetkizý syzbasy naqtylanýda», delingen habarlamada.
Aıta keteıik, «ıAmal-402» telekommýnıkatsııalyq jerserigi reseılik baılanys jerserigi toptamasyn tolyqtyryp, Reseıdiń, sonymen qatar Batys jáne Ortalyq Eýropa, Taıaý Shyǵys pen Soltústik Afrıka aýmaqtarynda habar taratýdy qamtamasyz etýi tıis bolatyn.