Baıqońyrdan Reseıdegi eń qýatty baılanys spýtnıgi ushyrylady

BAIQOŃYR. QazAqparat - Baıqońyr ǵarysh aılaǵynan 2019 jyldyń mamyr aıynyń sońynda áýe kemesi ushyrylady, dep habarlaıdy QazAqparat tilshisi.

«ıAmal-601» telekommýnıkatsııalyq ǵarysh qurylǵysy 30 mamyrda «Brız-M» údemeli bogymen jabdyqtalǵan «Proton-M» zymyranynyń kómegimen ushyrylady dep josparlanyp otyr. «ıAmal-601» ǵarysh qurylǵysynyń bastapqy salmaǵy 5400 keliden asady.

Hrýnıchev atyndaǵy memlekettik ǵarysh ǵylymı-óndiristik ortalyǵynyń baspasóz qyzmetiniń aqparaty boıynsha, 2019 jyldyń 27 sáýirinde «ıAmal-601» ǵarysh qurylǵysy Baıqońyr ǵarysh aılaǵyna «Volga-Dnepr» áýe kompanııasynyń AN-124 transporttyq ushaǵymen jetkizilgen edi.

«ıAmal-601» spýtnıgin Thales Alenia Space eýropalyq kompanııasy Reseıdiń «Gazprom ǵarysh júıesi» kompanııasynyń (GǴJ) tapsyrysymen jasaǵan. Ol qazirgi «ıAmal-202» spýtnıginiń ornyna, orbıtada 49 gradýs shyǵys boılyqqa jaıǵasady.

Spýtnık Eýropalyq odaq aýmaǵyna, Reseıdiń eýropalyq bóligine, Oral men Batys Sibirge baılanys qyzmetin usynady. Sondaı-aq, Taıaý Shyǵys, Soltústik Afrık jáne Ońtústik-Shyǵys Azııa óńirleri «ıAmal-601» sáýle taratý aımaǵyna kiredi.

Sara Kabıkyzy